السلام عليكم ورحمة الله وبركاته
انا من ساقرع الباب اولا
اختي في الله انا اتشرف بمعرفتك كاخت لي
هيا لنبدا الحديث بما يفيدنا
بشرى(بنت فلسطين)

السلام عليكم ورحمة الله وبركاته
نعم انا اؤيدك بذلك لازم الام تجبر بنتها على العمل واذا قالتلها علي دراسه كتير تقولها ارتاحي خمس دقايق او عشره وساعديني ومره عمره بتتعلم شغل البيت واذا قالتلها ما بقدر لانه علي دراسه كتير هون بتقلها امها لو صاحبتك اتصلت عليكي وقعت تحكي معها مستعده تحكي ساعه وما تقولي علي دراسه بل بالعكس بتقول بدي ارتاح شوي او اذا بدى مسلسل بتحضره وما دخلها بالدراسه
لذلك على الام ان تعود ابنتها على شغل البيت علشان تطلع معدله لانه لما تتزوج وتكون اسره مش ممكن تقول لزوجها ما بعرف اطبح لانه
هو اجوزها حتى تقوم بواجبه وفي بعض الحالات يحصل الطلاق من وراء ذلك
واقل لكل ام تخاف على مصلحه بنتها ان تعلمها شغل البيت .شوي شوي بتصير البنت شاطره بكل اشي
وانا بنت(بشرى) عمري 17 وبدرس بجد شاطر بالمدرسه وكمان بساعد ماما بالبيت وبعمل حلويات لحالي ومرات بطبخ .انا ما بتفاخر بحالي في كتير بنات متلي واحسن. بس كمان في كتير عكسي .لما تقلهن امهن ساعدني بتحججن بالدراسه .بالعكس الدراسه ما بدها كل الوقت .لازم تدرس وتصلي وتساعد امها توكل وتترفه تقعد عالنت وتفتح على منتدى الحوار وتشارك وما يكون كل قتها دراسه بحجه انها ما بدها تساعد امها
وبقول لكل بنت انها تساعد امها الي حملتها 9 شهور ببطنها وسهرت عليها والله امر بذلك لانه في مصلحه الها غير عن الاجر والمصلحه انها رح تكون ربه بيت ناجحه
اختكم (بنت فلسطين)بشرى

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
شكرا لك على الموضوع
واريد ان اقدم نصيحة من أخت مسلمة الى اخت مسلمة وهي :
عندما تقومي للصلاة ولكي تخشعي في صلاتك تخيلي انها آخر صلاة لك وان الجنة على يمنك والنار على شمالك
وملك الموت خلفك والله أمامك ورسول الله ينظر اليكي فعندها حتما ستخشعي في الصلاة

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
آسفة لاني ما قرات الموضوع اللي طرحتوا بالاول
برأيي لازم البنت تساعد أمها في لبيت ولكن على الام انها تراعي ظروف بنتها وتخفف عليها شوي لانه مثل ما بيحكي المثل
كثر الضغوطات بيولد انفجار فأكيد البنت لما يكون البيت فوق راسها راح توصل لمرحلة وتنفجر فيها
والحمدلله انا امي مراعيتني ولما أكون تعبانة بتراعيني كثييير الحمدلله والله يخليلي أمي
وانا بنصح كل خواتي ما تتحججوا لامكم باي حجة لانه من ناحية دينية ما بتكوني حصلتي شي من بر الوالدين ومن ناحية اجتماعية الام ما راح تحبك كثير لانك دايما بتشغلي الحجج عشان ما تساعديها بشي
اما اذا كنت دايما مطيعة لها فاكيد راح تحبك وكمان بتصير تمدحك امام الناس واحسن من هيك راح تنالي رض من رب العالمين

أهلا وسهلا بضيفتنا الثانية مسلمة حللتي أهلا ونزلت سهلا
وهي القهوة ومعها التمر الى حين يأتوا بقية الاخوات الرنيميات



أختي الغالية بشرى
وياريت تغيري اسمك من بوبوا الى بيبي مشان ما يصير في لبس باسمك
مع انه اسمك الاصلي رائع يا احلى بشرىوالعمر كله ان شاء الله والله يعطيك العافية لانك بتساعدي امك
رغم دراستك واكيد بكرة لما بتصري ست بيت راح يبعتلك
رب العالمين بنت متلك مرضية تساعدك وقت بتكوني بحاجة الها


أختي مسلمة مافي مشكلة فيك تطرحي موضوع جديد او تابعي موضوع قديم حسب رغبتك
وبالفعل بالنسبة لموضوع الصلاة لازم نهتم بصلاتنا ونخشع فيها ولا نشرد وشكرا لنصيحتك
اما بالنسبة لموضوع مساعدت الفتاة لامها الله يخليلك امك اكيد المساعدة تكون حسب حاجة الام
وثانيا اكيد الام راح تراعي ان كانت بنتها عندها امتحان او دراسة فهي ام بالنهاية
ولكن موضوعنا حول البنات يلي ما بساعدوا امهم ابدا وانا أرى من هذا النموذج كثير هذه الايام

ماشاء الله تبارك الله ... نقاش رائع مفيد .. جمعكن الله على الخير

أهلين وسهلين بالغالية لجين تأخرتي علينا
ما مشكله تفضلي غاليتي القهوة وبشرفني ان تجلسي جنبي
على كل حال بما انك مرتبة وبتعرفي تشتغلي خلص معناتها اكيد بكرة بس يصير عندك بيت ان شاء الله راح تكوني ست بيت
ممتازة لانك ساعتها ما راح تقدري ترمي الحمل على حدا غير زوجك اذا كان بحب يشتغل ويساعد زوجته
بس ما يكون من النوع يلي ما بحب يشتغل بالبيت ساعتها الله يعينك وخصوصا وانت موظفة