لك حمستني كتير كأني قاعدة بناتون عم شوف الأحداث اشاء الله أخي محب الله شاطر بسرد الروايات يالله من فضلك كمللللللللللللللللللل

ترا أنا قاعد على أعصابي بدي كمالة القصة
بس بدي اسألك سؤال، شو رأيك بهالطريقة ، وراح تخطب بنفس الطريقة ولا لأ؟

تحياتي لك بانتظار التتمة

قصة رائعة ومشوقة وما ادرى وين كانت مختفية عنى

وهى تشبيهة بقصص الخطبة اللى فى ليبيا بس بجد الكلام اللى فيها

باللهجة الشامية زادها جمال ....

يسلموا الايادى على الحلقات الجميلة المشوقة وفى انتظار البقية

بشوق

أهلا بك أخت بندارندا ... وهي تكملة للموضوع .. بس ما بقدر نزل كل الحلقات دفعة واحدة " هيك بده المخرج "

[الحلقة العاشرة ..



أم فاروق : السلام عليكم

فاروق : السلام عليكم

أم أحمد : يعطيك العافي يا خيو

الصايغ : وعليكم السلام .....أهلا وسهلا مدام

ام أحمد : دخيلك يا خيو شي كاسة مي طقطقت زلاعيمي ونحنا عم نفتل بالسواق

الصايغ : أي تكرم عينك................تعا يا ولد روح عبي ابريق المي وتعا بسرعة

أم فاروق : بأديش الدهب اليوم خيو ؟

الصايغ : والله يا أختي متحسن شوي اليوم 915ليرة للغرام
(اي ملاحظة هالموضوع على ايام الرخص)

ام أحمد : يه مبارح كان ب 910ورقة شو اللي غلاه اليوم؟

الصايغ :والله يا أوختي هيك أجانا سعرو اليوم

ام فاروق : ممممممم طيب شوفي عندك فرجينا لنشوف

الصايغ : انتو شو طلبكون أختي؟.... ....يعني شو المناسبة؟

ام فاروق : والله خطبنالو لأبننا وبدنا نشتري علامي

الصايغ : أي ألف مبروك يا أوختي ............ شوفي أوختي عندي طقوم رولكس وعندي جنازير وعندي مباريم وعندي أساور سحب وفي طواق وفي خواتم مفردة وسناسل ورقّات وشي مألمس وشي لا ألماس وشو ما بدك ..شو بتحبي تشوفي؟

أم فاروق : فرجينا طقومة الدهب اللي عندك

فتح الصايغ الفيترينا اللي عندو وطالع هالطقومي و بلشت أم فاروق هيي وأم أحمد على هادا حلو وهادا ما حلو وهادا مشرشح وهادا بطلت موضتو .وييييييييييي.............هيك لحتى داقت خلاقوا لصاحب المحل وقال: شو أوختي ما عجبك شي لهلأ:

أم فاروق : لا والله يا خيو .......ما عندك غير هدول؟؟؟

الصايغ : لك أوختي صرتي شايفي 15 طقم وما عجبك منون شي وعم تقوليلي ما عندك غير هدول !!!!!أي روحي دوري سوق الصاغة كلو بحمص ما بتلاقي متل طقومة الذهب اللي عندي

ام فاروق : اييه منشوف صايغ غيرك......خاطرك خيو

الصايغ وهوي متنكرز : الله معكون مع السلامة شرفتو

وبعد ما طلعوا من عندو قال : تضربوا من بين الزباين ......لعما نكتولي المحل نكت .......شو هالنسوان هدول.........الله يعين هالكنة الجديدة على بيت هالأحما

وهيك بعد ما دارو السوق من اولوا لآخرو ونكتوه نكت مشي الحال واشتروا العلامة واستقر رأي أم فاروق على جنزير مترين وطقم أساور سحب ومعون حلق واشتروا المحابس ومشي الحال وانقضت الشغلي على خير

رجعت أم فاروق عالبيت ورفعت هالسماعة واتصلت بأم عبدو مشان يحددوا موعد الخطبة .............

أهلين أخ محمد أنس .... شو أخطب هيك !!! أعوذ بالله :((

وهي الحلقة الثالية كرمالك ..
الحلقة الحادية عشرة ..هادا يا جماعة الخير بعد ما اشتروا الجماعة هالعلامي بلشوا يجهزوا حالون مشان الخطبة اللي صارت قريبة كتير .. فقامت أم فاروق واتصلت بأم عبدو مشان يحددوا موعد الخطبة ودار الحديث التالي بينهما:

أم فاروق : مرحبا أم عبدو

أم عبدو : أهلين أم فاروق يا أهلا وسهلا

أم فاروق :شلونك ان شالله بخير كيفو أبو عبدو وكيفا هالعروس وكيفون الشباب والصبايا من عندك؟؟

ام عبدو : الحمد لله بيدعوا بسلامتك

ام فاروق : الله يسلمك ويحفظك يا رب.........خيتو أم عبدو نحنا جاهزين ها.......واشترينا العلامي ومشي الحال ..

ام عبدو : ييييي ............ايمت اشتريتوها؟

ام فاروق : والله مبارح يا خيتو


ام عبدو : وشو هيي؟؟

ام فاروق : يا ستي جبنا جنزير مترين وجوز أساور سحب وجوز حلق بس شو ....الله وكيلك شي بياخد العقل

ام عبدو ما عجبتا العلامة وانقهرت : عاد تكونوا جايبين طقم ذهب من هالطقومي النازلة جديد....... والله أحلى وأهيب

ام فاروق : لك نحنا هيك كنا بدنا نشتري بالاول بس والله ياخيتو ما عجبنا شي بهالسوق ومافي شي بعبي العين

أم عبدو عم تحكي حالها( يعني الجنزير بعبي العين أكتر؟؟ولي عليكون ) : أي ماشي الحال أختي أم فاروق

ام فاروق :وايمت بتكوني جاهزة مشان نعمل الخطبة ؟

ام عبدو : وليش هيك مستعجلة كل هالأد أوختي ؟

ام فاروق : أي ييييييييي بنا نفرح فيهون لهالعرايس

أم عبدو : طيب خليها بعد 3 أسابيع

ام فاروق: يه ليش هيك كل هالأد ......ما بيصير نسبقها شوي؟

أم عبدو : لا يي يا اوختي بدي انزل عالسوق واقطعلا لبنتي قماشة مشان خيطلا بدلة الخطبة وشوفي أديش بدها وقت عند الخياطة وبدي أعزم هالعالم وجهز حالي مزبوط ..........يعني بتعرفي انتي الخطبة ولوازمها

أم فاروق : ماشي الحال خيتو بعد 3 اسابيع............ووين بدكون تعملوا الخطبة؟

ام عبدو : هون والله عندي بالبيت صالوني كبير وبيساع ..........بس ما يكونوا جماعتك كتار

ام فاروق: ههههههههههه لا كتار ولاشي مافي غير سلايفي وخواتي وبنات حمايي وخالاتي وبنات خالاتي وهالكام جارة ورفيقة .............يعني شغلة 40 مرا

ام عبدو : ايه الله يقدم اللي فيه الخير...لكن ما الخميس الجاي ولا اللي بعدو ....اللي بعدو

ام فاروق: أي خلص لكان خيتو أم عبدو أماني بضهرك اذا لازمك شي عوني شي مساعدة بتقوليلي ها

ام عبدو : تضلي سالمي يا رب ما بدنا غير سلامتك والله

أم فاروق : الله يسلمك .....يالله خاطرك

ام عبدو : مع السلامة الله معك

وهيك يا جماعة موعدنا بالجزء اللي بعدو مع الخطبة .............وأما شو خطبة!!!!!

عقبال عندك تعيش هالأجواء الكرنفالية خييوووووووووو
تحياتي لك

أنا كنت مزعوج ومالي مشتهي أضحك ..ولا حتى أرد ، بس القصة الأنتيكة ضحكتني كتييير
وأجبرتني أشارك وأقدملك كلمات الشكر...
تحياتي ألك أخي محب الله..ولكل الرنيمييين..

ايييييييييييييييييييه

وبعدين؟؟؟

لقد طال النتظار

مع اني اعترض على العوان

إلا ان الانتقاد ما راح يكون إلا بعد نهاية الحلقات الثلاثين

مو هيك؟؟؟

ودمتم

أضحك الله سنك أخي الفاضل محب الله

نحن في شوق لمعرفة بقية القصة