الخاطرة 15 انت جيت يا رمضان ؟؟!! - الصفحة 2

**لؤلؤة البحر** · 17-09-2008, 05:56

أسأل الله أن يهدينا جميعا
شكرا أخي وائل خاطرة بسيطة الأسلوب راقية الغرض

**شاعر لم يكن بعد** · 17-09-2008, 06:02

اقتباس


	لا يا عم بلاش يبقوا زيي المشرحة مش ناقصة قتلة

ايه ده ...!!

هوه كل اللى زيك بيتقتلوا ..!!؟؟؟

تصدق أنا فرحان إنى شفت مصرى هنا فى رنيم
انتم كنتم فين ... بدور عليكم من زمااااااان

تحيا مصر يا عم

**وائل الخطيب** · 17-09-2008, 16:44

اقتباس

المشاركة الأصلية كتبت بواسطة إبراهيم فارس


	قبل أيام كنت في القاهرة لتقديم إمتحانات الماجستير وأنا لأول مرة أحضر رمضان في مصر وبصراحة شد انتباهي الروح الطيبة و هذا الجمال في شوراع وأزقة مصر احتفالاً بقدوم رمضان (فوانيس وزينة وأماكن لموائد الرحمن منتشرة في كل مكان) وخصوصاً في ميدان الحسن رضي الله عنه، ولو رأيت المساجد تعجب من زحمة المصلين أنا أقول الشعب المصري شعب متدين بالفطرة لكن إذا خرجت من المسجد تجد العجب العجاب في المقاهي وأرصفة الشوارع. وأتساءل آلا يوجد لهولاء عمل حتى تراهم بهذه الكثرة متكدسين على أرصفة الشوارع ؟؟ آلا يوجد لهولاء بيوت ومسؤلية حتى ترى أحدهم خارجاً عن التغطية ؟؟ متناقضات رأيتها في مصر وودت لو أجد لهذه المظاهر تفسيراً لكن برأيي أن البطالة المتفشية بين الشباب هي السبب . الفراغ الذي يعيشه أغلب الشباب في البلاد العربية هو السبب . الحاكم الذي لايعرف عن رعيته شيئاً هو السبب . رب الأسرة الذي لايدري أين أولاده هو السبب. أسباب كثيرة (وكلها موضوعات تصلح للمناقشة ) أما حكاية رغيفك أخي الكريم فهذا باب آخر في المأساة بالنسبة للذين لايجدون قوت يومهم (بس على الله )!! شـكــ وبارك الله فيك ـــرا لك ... لك مني أجمل تحية أخي وائل .

اخي الكريم ابراهيم فارس
مش كنت تقول انك عندنا عشان كنا نقوم بالواجب
مصر في رمضان بالذات لها رونق خاص غير اي بلد زرتها
في العام الماضي زرت المغرب لمدة اسبوع وقطر ايضا لمدة اسبوع وكانت الزيارة في رمضان
لا انكر ان لكل بلد مذاق خاص ولكن هنا في مصر الجو مختلف حتما
فكما ذكرت روح طيبة وجمال في التعامل مع استقباله بالزينات والافراح
وسارد على تساؤلاتك واحدا واحدا

اقتباس


	وأتساءل آلا يوجد لهولاء عمل حتى تراهم بهذه الكثرة متكدسين على أرصفة الشوارع ؟؟ ... آلا يوجد لهولاء بيوت ومسؤلية حتى ترى أحدهم خارجاً عن التغطية

يوجد ولا يوجد !!!
يعني مش كل الناس اللي على القهاوي عطلانين ومش كلهم برضه شغالين
المشكلة في غياب الدافع والقابلية للانكسار والفراغ ايضا
الفراغ اعدى اعداء الشباب اخي الكريم
الغريب في المر ان كل هؤلاء الشباب اللي بالكانتلوب والتفاح كانوا لسه خارجين من صلاة التراويح من شوية !!!
الفراغ هنا يشمل كل شيء
فراغ ديني ... فراغ عاطفي .. فراغ دنيوي .. فراغ نفسي
الفراغ الفراغ الفراغ تلك هي المشكلة
شيء آخر مع بعض من السخرية لا اكثر
هما عندهم بيوت وعندهم مسئولية لكن الضغط عليهم من كل جانب
تخيل معي رجال مطحونين طول اليوم للعمل لكي ياتوا بلقمة العيش
ثم يفاجيء ان ما يستلمه من راتب لا يوفي نصف معيشته
الحكومة عندنا اخي الكريم حكومة رشيدة بالفعل
يعني تقول فيه 30% زيادة في الراتب
الاسعار تزيد 50%
يعني اللي بتديه للشعب باليمين بتاخده تالت ومتلت بالشمال
ربنا يخلليها ويجعل كلامنا خفيف عليهم

بالنسبة للفراغ تكلمنا بما فيه الكفاية عنه

اما عن الحكام فليس لي سوي قول واحد

العالم فوضى يا سادة
وشعوبا تجتاح شعوبا
وشعوب تسقط كالعادة
في بلد ما من موطننا
شعب يتعرض لغبادة
في الشرق نصنع حكاما
نصنع طاغوتا لا قادة
نصنع طاغوتا يقمعنا
ويفرغ فينا احقاده
ابشع كارثة في الدنيا
ان يحكم عبد اسياده

اما بالنسبة للرغيف فالازمة اتحلت بالفعل على مستوى مصر كلها من شهر تقريبا
بالنسبة لرغيفي خلليت اخويا وهو جاي يفطر عندي يجيب عيش

شكرا لتواجدك الرائع اخي الكريم ابراهيم فارس
والمرة الجاية لما تيجي ابقى قول بس
وبالمناسبة
الماجستير بتاعك عن ايه وفي اي جامعة ؟؟

**وائل الخطيب** · 17-09-2008, 16:50

لؤلؤة البحر : شكرا لوجودك وتعليقك وقريبا جدا سأكون في القسم النفسي

**إعتزاز** · 17-09-2008, 18:59

جزاك الله خيراً أخي الكريم ...
وفقك الله لما يحب ويرضى..

**وائل الخطيب** · 19-09-2008, 03:22

اقتباس

المشاركة الأصلية كتبت بواسطة شاعر لم يكن بعد


	ايه ده ...!! هوه كل اللى زيك بيتقتلوا ..!!؟؟؟ تصدق أنا فرحان إنى شفت مصرى هنا فى رنيم انتم كنتم فين ... بدور عليكم من زمااااااان تحيا مصر يا عم

بيتقتلوا معنويا يعني

تصدق بقى اني زعلان انك اول مرة تعرف ان فيه مصريين هنا

ايام زمان بقى كنت انت لسه ما جتش كان فيه ناس كتير ربنا يجيبهم بالسلامة

وبلاش تحيا مصر عشان بيجيلي انشكاح في اللاواري

خللينا احنا نحيا الاول وبعدين هي تحيا عشان هي حاليا في غرفة الانعاش وربنا يسترها

**وائل الخطيب** · 19-09-2008, 03:23

اقتباس

المشاركة الأصلية كتبت بواسطة إعتزاز


	جزاك الله خيراً أخي الكريم ... وفقك الله لما يحب ويرضى..

وجزاك ايضا وبارك فيكي
ووفقك لما يحبه تعالى ويرضى

**شاعر لم يكن بعد** · 19-09-2008, 06:32

اقتباس


	بيتقتلوا معنويا يعني تصدق بقى اني زعلان انك اول مرة تعرف ان فيه مصريين هنا ايام زمان بقى كنت انت لسه ما جتش كان فيه ناس كتير ربنا يجيبهم بالسلامة

ربنا يجيبهم بالسلامه

اقتباس


	وبلاش تحيا مصر عشان بيجيلي انشكاح في اللاواري خللينا احنا نحيا الاول وبعدين هي تحيا عشان هي حاليا في غرفة الانعاش وربنا يسترها

لالا بلاش تحيا مصر خلاص
ولا تزعل نفسك
صحتك بالدنيا
وبعدين أصله الانشكاح ده أصله مقرف قوى انا عارفه
ربنا يعافيك